nepalom.com
नेकपाका अध्यक्ष माधव कुमार नेपालले प्रधानमन्त्री केपी शर्मा ओलीमा आलोचना सुन्ने गुण नै नभएको र सधै ओली प्रशंसाको भोको रहेको बताएका छन् ।
शनिबार मिडिया एलाइन्ससँगको अन्तरक्रिया कार्यक्रममा नेपालले आफूहरुले ओलीको आलोचना गरेको नभइ प्रतिगामी कदम र प्रवृत्तिको विरोध गरेको समेत दोहोर्याएका थिए ।
प्रजातन्त्र र लोकतन्त्र नै खतरामा पर्ने अवस्था आएपछि आफूहरुले त्यसको रक्षाका लागि अग्रसरता लिएको पनि नेपालले बताए ।
संविधानको पक्षमा हामी छौं । ओलीको कदमविरुद्ध अरु पार्टीसँग सहकार्यका लागि जरुरी छ र प्रयास जारी छ नेपालले ओलीको कदमविरुद्ध संयुक्त आन्दोलनमा जोड दिँदै भनेका छन, अधिनायकवादविरुद्ध हामी हातेमालो गर्दै आन्दोलनमा जान चाहन्छौं ।
आफूहरु सबै किसिमका निरंकुशताको विरुद्ध रहेको बताउँदै नेपालले आत्मप्रशंसामा रमाउने बानीले ओलीलाई बिगार्दै लगेको पनि बताए ।
पार्टीमा अहिले कायम रहेको ४३३ मध्ये २८८ जना केन्द्रीय सदस्यहरुआफूहरुको पक्षमा रहेको भन्दै आधिकारिक पार्टी आफूहरु रहेको नेपालले बताए ।
