सुप्रिया पौडेल ।

हे ! आमा जन्म त दियौ यो धर्तीमा !

तर हाम्रो जीवनयापन किन अर्काको घरमा !!

छोरा जन्मे हुरुक्क, छोरी जन्मे धुरुक्क,

छोरी चूल्हो चम्का, छोरालाइ कितावको झोला,

किन यस्तो होला ?

संविधानले नारी पुरुष, दुवै बराबर भन्छ

कागजको पानामा सीमित कुरा ब्यवहारमा कहिले लागू हुन्छ ?

छाउपडी, दाइजोप्रथा कहिले अन्त्य हुने !

जसकै सरकार बनेपनि न्याय कहिले पाउने ?

हे ! भगवान सबै पुरुषलाइ देउ, सद्वुद्धी र विवेक

नारीलाइ हेर्ने दृष्ट्रीमा भरिदेउ ज्ञानको ज्योति अनेक

सबैजना जागृत बनौं, नारीको पक्षमा फैलाउन जनचेतना

सम्पूर्ण महिलाहरुलाइ अन्तराष्ट्रिय नारी दिवसको शुभकामना ।।