सर्वोच्च अदालतले नेकपाको आधिकारिता ऋषि कट्टेलले पाउने फैसला सुनाएसँगै प्रधानमन्त्री केपी ओली समूहले धमाधम जिल्लामा नेकपा एमाले ब्यूताउन थालेका छन् ।
सत्तारुढ दल नेकपामा को आधिकारिक हो भन्ने झगडा निर्वाचन आयोगमा रहेको अवस्थामा आइतबार सर्वोच्चले नेकपा दुवै समूहलाइ नदिएर ऋषि कट्टेललाइ दिने फैसला सुनाएको थियो । सो फैसला सँगै प्रधानमन्त्री ओली समूहले जिल्ला जिल्लामा नेकपा एमाले भन्दै वोर्ड राख्न थालेका छन् । आफ्नो समूहको जीत ठानी ओली समूह उत्साहित भएको छ भने दाहाल नेपाल समूह कानूनी परामर्शमा लागेको छ ।
ओली समूहले नुवाकोटमा जिल्ला कार्यसमितिको बोडलाइ नेकपा एमाले भन्दै राखेका छन् । त्यस्तै मोरङको जिल्ला कार्यालयलाइ पनि नेकपा हटाएर नेकपा एमाले भएको भन्दै वोर्ड राखेका छन् । देशका विभिन्न स्थानीय तह तथा क्षेत्रिय र जिल्ला कार्यालयमा नेकपा एमाले राख्न सुरु गरिएको हो ।
आइतबार प्रतिनिधिसभाको अधिवेशन सुरु हुन अगावै नेकपाका सांसद महेश बस्नेतले आफू नेकपा एमालेको सांसदको रुपमा बैठकमा भाग लिन लागेको भन्दै फोटो सामाजिक सञ्जालमा सार्वजनिक गरेका थिए । मंगलबार धुम्वाराहीमा रहेको नेकपाको केन्द्रीय कार्यालयमा समेत सो नाम हटाएर नेकपा एमाले राख्ने तयारी रहेको वुझिएको छ । सर्वोच्चको फैसलाले २०७५ जेठ ३ अघिको अवस्थामा पुर्याएको भन्दै नेकपा एमाले सबै स्थानमा राख्ने ओली समूहको तयारी छ ।।
