विसं २००३ माघ १२ र १३ गते कोलकाताको भवानीपुरमा नेपाली कांग्रेसले प्रथम महाधिवेशन सम्पन्न गरेको थियो । त्यसबेला टङ्कप्रसाद आचार्य सभापति र बिपी कोइराला कार्यवाहक सभापति बनेका थिए ।
कांग्रेसको दोस्रो महाधिवेशन बिपी कोइराला सभापति बने त्यसबेला बनारसमा महाधिवेशन सम्पन्न भएको थियो । विसं २००४ माघ २० र २१ बनारसमा सम्पन्न भएको महाधिवेशन पछि तेस्रो र चौथो महाधिवेशन पनि भारतमै सम्पन्न भयो । त्यसबेला मातृका प्रसाद कोइराला नै सभापति बने ।
पाँचौं महाधिवेन नेपालमा भयो । त्यसबेला जनकपुरमा भएको महाधिवेशनमा बिपी कोइराला पुनः सभापतिमा निर्वाचित भएका थिए । त्यसपछिका विभिन्न कालखण्ड पार गर्दे महाधिवेशन हुदै गए । बेला बेला नेपाली कांग्रसलाई नेपाली जनताले सत्तामा पु¥याए । त्यस बेला देखि धेरै पल्ट कोइराला परिवारकै पेरिफेरीमा काग्रेसको वागडोर रहिररह्यो । २०६७ असोजमा काठमाण्डौमा सम्पन्न भएको महाधिवेशनमा सुसील कोइराला सभापति बनेका थिए । त्यसपछि सभापति हुने अवसर २०७२ फागुनमा १३ औँ महाधिवेशनले शेर बहादुर देवालाई जुरायो ।
नेपाली राजनीतिमा यसविचमा पनि धेरै उतार चढावहरु आए । पार्टी स्थापनाकाल देखि नेपाली कांग्रेस पटक पटक सत्तामा समेत आसिन भैरहेको छ । अन्य दलको तुलनामा कांग्रेस नै यो देशको सत्ता हाँक्यो तर पनि आधुनिक विश्वमा देश र जनताको स्तर जहाँ पुग्नु पर्ने हो त्यहाँ पुग्न नसकेको गुनासो आम जनताको छ ।
यस बेला १४औँ महाधिवेशन मंसिर २४ गते काठमाण्डौको भृकुटीमाण्डपमा हुँदैछ । यसबेला हाम्रो देशका नेतृत्व पंतिमा रहने नेताहरुमा सत्बुद्धी आवोस । जनताले ऐनको (कानुन राज्य ) महसुस गरुन, चैनको सास फेर्न पाउन ।
