
भरतपुरबाट उडान भरेको केहीबेरमै यान्त्रिक गडबडी आएपछि बुद्ध एयरको जहाज पुनःभरतपुरमै अवतरण गरेको हो । बुद्ध एयरको बीच क्राफ्ट जहाजमा १८ यात्रु र चालक दलका सदस्य रहेका थिए ।
नागरिक उड्डयन प्राधिकरण भरतपुरका सूचना अधिकारी दिपक विकका अनुसार दिउँसो १:१६ बजे आकाशमा उड्नेवित्तिकै प्राविधिक समस्या देखिएको क्याप्टेनले जनाएपछि तत्काल भरतपुरमै अवतरण गरिएको हो ।
जहाज अवतरणपछि सबै यात्रु सकुशल बाहिर निस्किएका छन् । अन्य कारणका बारेमा खोजी भइरहेको उनले जानकारी दिए । अहिले भरतपुरबाट हुने हवाई उडान प्रभावित भएको छ ।