करोड़ों वर्षअघि पृथ्वीमा विशाल डायनासोरले शासन गरेका थिए । अवशेषहरूले देखाउँछन् कि यी डायनासोरहरू १३० फिटसम्म लामो र ७७ टन सम्म तौलका थिए । एक दिन अचानक अन्तरिक्षबाट क्षुद्रग्रहको वर्षाले जमिनमा हिँड्ने डायनासोर प्रजातिको अस्तित्व समाप्त भयो । तर यो घटनापछि पृथ्वी लामो समयसम्म अन्धकारमा डुबेको थियो । क्षुद्रग्रहकोको बर्षाले जङ्गलमा आगो, खरानी, धुलो र धुवाँले आकाश भर्यो, सूर्यको किरण पृथ्वीमा पुग्न रोक्यो ।
एउटा नयाँ अनुसन्धानले पत्ता लगाएको छ कि क्षुद्रग्रहको घटना पछिका वर्षहरूले ’विलुप्तता तरंग’ लाई इन्धन गरिरहेको थियो । करिब ६ करोड वर्षअघि क्षुद्रग्रहको टक्करपछि आएको प्रलयले जीवनका धेरै प्रकारलाई नष्ट गरेको थियो । यो टक्करले धेरै वातावरणीय परिवर्तनहरूलाई पनि जन्म दियो जुन समयसँगै सामूहिक विलुप्तताको लहरमा थपियो । विलुप्तताको लहरको एउटा कारण वायुमण्डलमा फैलिने खरानी र कणको बाक्लो बादल रहेको मानिन्छ ।
यी बादलहरूले पृथ्वीलाई ढाक्यो र ग्रहको धेरै भागहरू अँध्यारो पार्यो । दुई वर्षसम्म यी बादलहरू आकाशमा थिए । त्यस समयमा प्रकाश संश्लेषणको प्रक्रिया असफल भएको थियो, जसले पारिस्थितिक प्रणालीलाई ध्वस्त पारेको थियो ।
