बलिउड अभिनेत्री कट्रिना कैफ विवाहका कारण सामाजिक सञ्जालमा निकै चर्चामा छिन् । हालै कट्रिना कैफले अभिनेता विक्की कौशलसँग विवाह गरेकी छन् । उनी ब्रिटिश–भारतीय मूलकी अभिनेत्री र मोडल हुन् । उनी बलिउड फिल्ममा उत्कृष्ट अभिनयका लागि परिचित छिन् । के तपाईलाई थाहा छ कट्रिनाले मोडलिङका लागि स्कुल पनि छोडेकी थिइन् ।
कट्रिना कैफले तेलुगु र मलयालम फिल्ममा पनि अभिनय गरेकी छिन् । उनलाई भारतको सबैभन्दा आकर्षक सेलिब्रेटी मध्ये एक मानिन्छ । कट्रिना कैफको जन्म १६ जुलाई १९८३ मा हङकङमा भएको थियो । उनका बुबा मोहम्मद कैफ कश्मीरी मूलका बेलायती व्यापारी हुन् भने आमा सुज्यान बेलायती हुन् । कट्रिना कैफको बाल्यकाल लगभग १८ देशमा बित्यो । लगातारको यात्राका कारण उनी स्कुल गएकी छैनन् । उनलाई पढाउनको लागि गृह शिक्षक राखिएको थियो ।
रिपोर्टका अनुसार कट्रिना कैफले १४ वर्षको उमेरमा मोडलको रुपमा आफ्नो करियर सुरु गरेकी थिइन् । केही वर्षपछि उनी भारत आएर मोडलिङ करियरलाई निरन्तरता दिइन् । त्यसपछि फिल्म क्षेत्रमा आएर विस्तारै सफलताको सिँढी चढ्दै गइन् ।
एक अन्तर्वार्ताका क्रममा कट्रिनाले मुम्बई सर्नुअघि लण्डनमा इन्जिनियरिङ पढ्दै आएको बताएकी थिइन्, तर आफूलाई त्यस्तो लागेन । यतिबेला कट्रिना कैफ बलिउड इन्डस्ट्रीकी शीर्ष अभिनेत्रीमध्येकी एक हुन् । कट्रिना कैफले हिन्दीका साथै तेलुगु र मलयालम फिल्ममा पनि काम गरिसकेकी छिन् ।
