काठमाडौं उपत्यकासहित देशका अधिकांश स्थानमा आज वर्षा सँगै हिमपात भइरहेको छ उच्च पहाडी तथा हिमाली भूभागमा हिमपातले जनजीवन प्रभावित भएको छ ।
मौसम पूर्वानुमान महाशाखाका अनुसार पश्चिमी न्यून चापीय प्रणाली देशैभर सक्रिय हुँदा वर्षा र हिमपात भएको हो । वर्षा र हिमपातसँगै चिसो झनै बढेको छ ।
दिउँसो धेरै स्थानमा हल्कादेखि मध्यम वर्षाको सम्भावना छ । उच्च पहाडी तथा हिमाली भूभागका धेरै स्थानमा हल्का देखि मध्यम हिमपातको आँकलन गरिएको छ ।
हिमपातले देशभरका उच्चपहाडी क्षेत्रका राजमार्गहरुमा यातायात समेत अवरुद्ध भएका छन् । उच्च पहाडी क्षेत्रमा हिउँ परिरहेको मौसम पूर्वानुमान महाशाखाले जनाएको छ ।
काठमाडौं उपत्यकामा रातिदेखि नै हिमपात सहित पानी परेको छ । उपत्यका आसपासका डाँडाहरूमा हिमपात भएको छ ।
मौसम पूर्वानुमान महाशाखाका अनुसार शुक्रबारसम्मै मौसममा आंशिकदेखि सामान्य बदली आई हिमपात र पानी पर्ने सम्भावना छ ।
