पौराणिक मान्यता अनुसार भगवान विष्णुलाई तुलसी अति प्रिय मानिन्छ । भनिन्छ, जुन घरमा तुलसीको बिरुवा हुन्छ त्यहाँ वास्तु दोषको प्रभाव हुँदैन र सुख–समृद्धि रहन्छ ।
ग्रहण लाग्नुअघि खानेकुरामा तुलसीको पात राख्दा ग्रहणको हानिकारक किरणले खानामा असर गर्दैन र खाना शुद्ध रहन्छ । तुलसीमा पारा पाइने भएकाले यस्तो हुन्छ । पारामा कुनै पनि किसिमको किरणको प्रभाव छैन ।
तुलसी औषधीय गुणले भरिपूर्ण छ । चिसो, रुघाखोकी, दाँतका रोग र श्वासप्रश्वाससम्बन्धी रोग निको पार्न यसको प्रयोग गरिन्छ। तुलसीलाई संक्रमणसँग लड्न पनि उपयोगी मानिन्छ ।
भनिन्छ, घर बनाउँदा तुलसीको जरालाई जगमा रहेको गाडामा बेसार रङको कपडामा राखेमा चट्याङ पर्न सक्ने डर हुँदैन ।
तुलसीको सानो बोटले २४ घण्टा अक्सिजन दिन्छ । यो एक उत्कृष्ट एयर प्युरिफायर हो। जहाँ यो जडान गरिएको छ, त्यहाँ वरपर अक्सिजनको प्रचुर मात्रामा रहन्छ र वातावरण सफा हुन्छ । भनिन्छ, यो बिरुवाको नियमित सेवा गरेमा छालाको रोग कहिल्यै लाग्दैन ।
