बेलायतमा शुक्रबारदेखि पहिलो स्मार्ट जेल सुरु भएको छ । बेलायतमा यस प्रकारको यो पहिलो उच्च प्रविधियुक्त जेल हो । यहाँ १७ सय कैदीलाई राख्न सकिने र उनीहरूलाई धेरै आधुनिक सुविधा दिइनेछ । जसमा जिमदेखि टेबलटेनिससम्मको सुविधा छ । यहाँ कैदीहरूलाई बन्दी नभई बासिन्दा भनिन्छ । यसको नाम हर मेजेस्टी जेल (एचएमपी) फाइभ वेल्स हो ।
बेलायतका न्याय सचिव डोमिनिक राबले यो देशको पहिलो जेल भएको बताउँछन्, जसमा कैदीहरूलाई रिहा गरेपछि शिक्षा, तालिम र रोजगारी दिने उद्देश्य राखिएको छ । ब्रिटिस सरकार एक फरक प्रकारको जेल बनाउन चाहन्थे, जुन सुरक्षित र आधुनिक पनि हो । नयाँ जेल यो योजनाको उदाहरण हो।
यस विशेष प्रकारको कारागार बनाउनुको उद्देश्य कैदीहरूको सजाय समाप्त भएपछि जीवनमा अगाडि बढ्ने उद्देश्य दिन सकोस् र भविष्यमा अपराध गर्न नपरोस् । यसका लागि कैदीबन्दी रिहा भएपछि शिक्षासँगै रोजगारमूलक तालिम दिइनेछ । यसरी यहाँबाट आएका कैदीबन्दी रोजगारीमा जान सक्नेछन् ।
बेलायतको न्याय विभागले यस्तो जेलमा सजाय भोगेपछि अपराधमा कमी आउने र अपराधी रिहा भएसँगै अपराधको संसारमा फर्किने सम्भावना कम हुने विश्वास लिएको छ ।
स्मार्ट जेलमा यी सुविधा उपलब्ध हुनेछन्
सेन्ट्रल इंग्ल्याण्डको नर्थह्याम्प्टनशायरको वेलिंगबरोमा बनेको यो जेलमा धेरै परिवर्तनहरू देखिनेछन्। उदाहरणका लागि, कक्षहरूलाई कोठा भनिनेछ र कैदीहरूलाई निवासी भनिनेछ । यो स्मार्ट जेलमा कैदीबन्दीले धेरै सुविधा पाउनेछन् । उदाहरणका लागि, कैदीहरूले आफ्नो शरीरको फिटनेसको लागि जिम पाउनेछन्।
स्नूकर टेबल र टेबल टेनिस पाउनेछन। यसका साथै कैदीहरूको सीप विकासका लागि ट्याब्लेट पनि उपलब्ध हुनेछ । यसका साथै कैदीबन्दीमा लागुऔषध दुव्र्यसन हटाउन लागुऔषध रिकभरी सेन्टर पनि रहनेछ ।
कारागारमा कैदीबन्दीलाई केही सिक्नका लागि इँटा बनाउने, काठको सामान बनाउने, छत बनाउने, प्लास्टर गर्ने जस्ता सीप पनि सिकाइनेछ ।
