हिन्दु क्यालेन्डर अनुसार चैत्र महिना सुरु भएको छ । सनातन धर्म अनुसार प्रत्येक वर्ष चैत्र शुक्ल पक्षको प्रतिपदादेखि नौ दिनसम्म चैत्र नवरात्रि पर्व मनाइन्छ । हिन्दू धर्ममा नवरात्रि वर्षमा ४ पटक मनाइन्छ । चैत्र र शारदीय नवरात्र बाहेक दुईवटा गुप्त नवरात्र छन् । चैत्र नवरात्रिमा माता दुर्गाका ९ रूपको पूजा गरिन्छ ।
माता दुर्गालाई सुख, समृद्धि र ऐश्वर्यकी देवी मानिन्छ । नवरात्रिमा दुर्गाको पूजा गर्नाले भक्तजन प्रसन्न हुने धार्मिक विश्वास छ । यससँगै उनीहरुको सबै मनोकामना पनि पूरा हुन्छ । तर चैत्र नवरात्रिमा केही यस्ता काम हुन्छन् जुन भुलेर पनि गर्न हुँदैन अन्यथा माता दुर्गा क्रोधित हुन सक्छन् ।
चैत्र नवरात्रिको ९ दिन व्रत बस्ने व्यक्तिले दाह्री, जुँगा वा कपाल काट्नु हुँदैन । व्रत नराखे पनि घरमा कलश स्थापना गरिएको भए पनि परिवारका सदस्यले यी कुराबाट बच्नुपर्छ ।
नवरात्रिमा नौ दिनसम्म घरमा सात्विक भोजन तयार गर्नुपर्छ, तामसिक खानेकुरा जस्तै मदिरा वा प्याज लसुनबाट टाढा रहनुपर्छ ।
चैत्र नवरात्रिमा व्रत बसेको व्यक्तिले दिनमा पटक्कै सुत्नु हुँदैन । भक्तिको ध्यान गर्नुपर्छ ।
नवरात्री व्रत बस्नेहरूले नवरात्रिमा छालाका वस्तुहरू जस्तै बेल्ट, जुत्ता, चप्पल वा पर्स लगाउनु हुँदैन र मन्दिरको वरिपरि त्यस्ता वस्तुहरू राख्नु हुँदैन।
नवरात्रिमा व्रत बस्नेले एकै ठाउँमा बसेर फलफूल खानुपर्छ । अर्थात् पहिलो दिन जहाँ बसेर फलफूल खाए, त्यही ठाउँमा ९ दिनसम्म व्रत खोल्नुहोस्, अन्यथा व्रतको फल पाउनुहुन्न ।
चैत्र नवरात्रिमा घरमा माता दुर्गाको अनन्त ज्योति बाल्नु भएको छ भने घर खाली राख्नु हुँदैन । घरको कुनै एक सदस्य घरमा उपस्थित हुनुपर्छ।
