काठमाडौं महानगरपालिकाका मेयर बालेन्द्र (बालेन) साह र उपमेयर सुनीता डंगोल शुक्रबार बिहान नुवाकोटको सिसडोलका बासिन्दासँग छलफल गर्न पुगेका छन् । महानगरको टोली सहित त्यहाँ पुगेका मेयरले फोहोर व्यवस्थापनका विषयमा स्थानीयसँग छलफल गरेका हुन ्। मेयर साहले तत्कालको लागि केमिकल हालेर एक हप्ताभित्रमा दुर्घन्ध हटाइने बताएका छन् । केमीकल लिएर आउने गाडी अवरोध नगर्न आर्गह समेत गरेका छन् ।
उनले स्थानीयसँग अर्को पनि प्रतिबद्धता जनाए । फोहोरबाट मल बनाउने सिस्टम जडान गरेर त्यहाँको फोहोरलाई मलमा परिणत गर्ने आश्वासन पनि दिएका छन् । ड्रिल गरेर ग्यास निकाल्ने योजना पनि अघि सारे । यी दुवै कामको लागि कम्तिमा चार महिनाको समय लाग्ने बताए मेयर साहले बताएका छन् ।
छलफलको क्रममा स्थानीयले राज्यसँग गरेको सम्झौता कार्यान्वयन नहुँदा फोहोर विर्सजन गर्न नदिएको बताए । फोहोर र मानिसहरू एकै ठाउँमा बस्न नसकिने भन्दै चाँडो भन्दा चाँडो त्यसको व्यवस्थापन गर्न पनि मेयरसँग आग्रह गरे । महानगरमा निर्वाचित भए सँगै साह र डंगोल फोहर व्यबस्थापनका लागि खटिरहेका छन् ।
