फलफूल र तरकारीबाट बनेको जुस स्वास्थ्यका लागि निकै फाइदाजनक हुन्छ । यस्ता धेरै जुस छन् जसलाई दैनिक पिउनाले स्वास्थ्य सम्बन्धी समस्याबाट बच्न सकिन्छ । आउनुहोस् जानौं कुन स्वस्थ जुसलाई तपाईले डाइटमा समावेश गर्न सक्नुहुन्छ।
गाजरको जुस – गाजरको जुसमा क्याल्सियम, भिटामिन ए, सोडियम, पोटासियम र म्याग्नेसियम पाइन्छ। यो जुसले पाचन प्रणालीलाई स्वस्थ राख्छ । यसले छिटो तौल घटाउन मद्दत गर्छ। यो जुसले आँखाको ज्योति बढाउन मद्दत गर्छ । गाजरको जुसले कपाल, छाला र नङलाई राम्रो बनाउन मद्दत गर्छ।
तरबूजको जुस– तरबूजमा प्रशस्त मात्रामा पानी हुन्छ । तरबूजको जुसमा पोटासियम प्रशस्त हुन्छ । यसले उच्च रक्तचापको समस्याबाट बचाउन मद्दत गर्छ । यसले तपाईंलाई ऊर्जावान र हाइड्रेटेड राख्छ।
अमलाको जुस– अमलाको जुसमा भिटामिन सी प्रचुर मात्रामा पाइन्छ । यसमा प्रशस्त मात्रामा एन्टिअक्सिडेन्ट गुण हुन्छ । यसले तपाईंको मेटाबोलिजमलाई गति दिन मद्दत गर्छ। यसले तपाईंलाई चिसो, खोकी, मुखको अल्सर र अन्य समस्याबाट बचाउन मद्दत गर्छ।
लौकाको जुस– लौकाको जुसमा फाइबर, पोटासियम र आइरन प्रशस्त मात्रामा पाइन्छ । यसमा भिटामिन सी र भिटामिन बी पाइन्छ । यसले खराब कोलेस्ट्रोल कम गर्छ। यसले मधुमेह र हृदयघातको जोखिम कम गर्छ। यसले उच्च रक्तचाप नियन्त्रण गर्छ।
