त्रिभुवन विश्वविद्यालयको नेसनल ल कलेजबाट कानुन विषयमा स्नातक गरेकी सोविता गौतमले काठमाडौं क्षेत्र नम्बर २ मा राष्ट्रिय स्वतन्त्र पार्टीबाट विजय हाँसिल गरेकी छन् ।
निर्वाचन आयोगले दिएको पछिल्लो मत परिणामअनुसार घन्टी चुनाव चिह्न भएकी गौतम आफ्ना निकट प्रतिस्पर्धीलाई साढे तीन हजारभन्दा बढी मतले हराउँदै विजयी भएकी हुन्।
२७ वर्षीया सोविता गौतमले अधिवक्ताका रूपमा र पत्रकारिता क्षेत्रमा समेत काम गरेकी छन् । उनको जन्म २०५२ सालमा दोलखाको तामाकोशी गाउँपालिका जामुनेमा भएको थियो ।
उनले १५२२९ मत ल्याइन । उनका प्रतिस्पर्धी नेकपा एमालेका मणिराम फुयाल ११५५५ मत मा सिमित रहे । राष्ट्रिय प्रजातन्त्र पार्टीकी कुन्तीदेवी पोखरेल तेस्रो स्थानमा छिन्। उनले ११४१४ मत ल्याएकी छन्। गठबन्धनबाट माओवादी केन्द्रकी उम्मेदवार बनेकी ओनसरी घर्ती चौथो स्थानमा रहिन। उनी पुर्वसभामुख पनि हुन । उनले ९४४८ मत ल्याएकी छन्।
