जापानमा शक्तिशाली भूकम्पको धक्का महसुस गरिएको छ । यसको तीव्रता रिक्टर स्केलमा ५.२ मापन गरिएको थियो । युरोपेली भूमध्य भूकम्प केन्द्रले यो जानकारी दिएको हो । सार्वजनिक प्रसारक एनएचके ले भूकम्पको केन्द्रबिन्दु राजधानी टोकियोको पूर्व इबाराकी प्रिफेक्चरको दक्षिणी भागमा रहेको बताएको छ । साक्षीहरूले टोकियोमा भूकम्पले भवनहरू हल्लिएको देखे, तर यस समयमा कुनै क्षति भएको छैन् ।
जापान टाइम्सको रिपोर्ट अनुसार आइतबार टोकियो र पूर्वी जापानको आसपासका क्षेत्रमा शक्तिशाली भूकम्प गएको भएपनि सुनामीको चेतावनी जारी गरिएको छैन् । दिउँसो १२ बजेर ३१ मिनेटमा ५.२ रेक्टर स्केलको भूकम्प गएको हो । राजधानीको उत्तरपूर्वी इबाराकी र अन्य क्षेत्रहरूमा माइनस सातको जापानी भूकम्प मापनमा ४ मा रेकर्ड गरिएको थियो । मार्च २०११ देखि सञ्चालनमा नआएको टोकाइ नम्बर २ आणविक उर्जा केन्द्र लगायत प्रान्तमा कुनै पनि आणविक उर्जा प्लान्टको समस्या रिपोर्ट गरिएको छैन ।
