बंगलादेश विश्वका सबैभन्दा प्रदूषित सहरहरूमा पहिलो स्थानमा छ । यो दाबी स्वीस संस्थाको आइक्यू एयर सर्भेमा गरिएको हो । विश्व स्वास्थ्य संगठन (डब्लुएचओ) को मापदण्डमा ११७ देशका ६ हजार ४ सय ७५ सहरमा गरिएको सर्वेक्षणमा यस्तो नतिजा बाहिर आएको हो । ठूलो प्रश्न यो छ कि बंगलादेश विश्वको सबैभन्दा प्रदूषित शहर मध्ये एक हुनुको मुख्य कारण के हो ? यी प्रश्नहरूको जवाफ जान्नुहोस् ।
द डेली स्टारको रिपोर्टका अनुसार बंगलादेशमा प्रदूषण विश्व स्वास्थ्य संगठनको प्रदूषण मापदण्डभन्दा १५ गुणा बढी छ। यहाँ प्रदूषणको सबैभन्दा ठूलो कारण भनेको सवारीसाधन, इँटाभट्टा र कलकारखानाबाट निस्कने धुवाँ हो । यसबाहेक सहरमा उड्ने धुलो पनि प्रदूषणको ठूलो कारण हो ।
हावामा प्रदूषण गराउने सूक्ष्म कणहरू PM2=5 हुन्। विश्व स्वास्थ्य संगठनका अनुसार हावामा यो कण % µg÷m3 भन्दा बढी हुनु हुँदैन, तर बंगलादेशमा यो ७६.९ माइक्रोग्राम प्रति घनमिटर (µन÷mघ) छ । हावामा रहेका यी कणहरूको दायरा बढ्दै गएको छ।
स्वीस संगठनको आधिकारिक वेबसाइटका अनुसार ढाका दिल्ली पछि विश्वको दोस्रो सबैभन्दा प्रदूषित राजधानी हो । दिल्लीमा PM2=5 स्तर 85=0 µg÷m3 छ र ढाकामा यो संख्या 78=1 µg÷m3 छ। गत वर्ष पनि प्रदूषित देशको सूचीमा बंगलादेश अग्रस्थानमा थियो ।
रिपोर्टका अनुसार बंगलादेशमा प्रदूषणको स्तर बढेसँगै छातीमा संक्रमणको जोखिम बढेको छ । यसबाहेक इन्फ्लुएन्जा, निमोनिया, फोक्सोको क्यान्सरको जोखिम पनि बढेको छ । यससँगै बालबालिकामा प्रदूषणको असरले उनीहरुको शारीरिक विकासमा समेत असर गरिरहेको छ ।
