तामाको भाँडोमा राखिएको पानी पिउनु स्वास्थ्यका लागि निकै राम्रो हुन सक्छ तर के तपाईलाई थाहा छ यो विधिले हामीलाई हानि पनि गर्न सक्छ । मानिसहरु प्रायः भाँडामा राखिएको पानीसँग सम्बन्धित केही गल्ती दोहोर्याउँछन् ।
घण्टौंसम्म भाँडामा पानी राख्नु
तामाको भाँडोमा पानी लामो समयसम्म राख्नु हुँदैन । धेरै फाइदाको खोजीमा मानिसहरु घण्टौंसम्म यस्तो भाँडोमा पानी राख्ने गल्ती गर्छन् । पानी राख्ने अवधि बढीमा ६ घण्टा हुनुपर्ने भनिएको छ ।
बढी पानी पिउने
आजकल मानिसहरु बजारबाट तामाको बोतल लिएर त्यसमा पानी पिउन रुचाउँछन् । तिनीहरूले एकै चोटि बोतल समाप्त गर्ने गल्ती गर्छन्, जबकि यो विधिले क्षति पु¥याउन सक्छ । आयुर्वेदमा यो पनि भनिएको छ कि पानी बिस्तारै पिउनु पर्छ र यसको मात्रा एक पटकमा धेरै हुनु हुँदैन ।
राति पिउने
पुरानो जमानामा मानिसहरू तामाको भाँडोको पानी पिउँथे तर राती राखेर बिहान पिउने गर्थे। आजकल मानिसहरु स्वस्थ रहन सधैं यस्तो पानी पिउने गर्छन् । विज्ञहरू भन्छन् कि यस्तो पानी राती शरीरमा प्रतिक्रिया हुन सक्छ।
एसिडिटीमा पानी पिउनु
जसलाई अक्सर एसिडिटीको समस्या हुन्छ, उनीहरुले तामाको भाँडोमा राखेको पानी भूलेर पनि पिउनु हुँदैन । यसले स्वास्थ्यमा थप हानी पु¥याउने विज्ञहरुको विश्वास छ । यो पानी पिउँदा वाकवाक लाग्ने, बान्ता हुने वा पेट दुख्ने समस्या हुने गरेको बताइएको छ ।
