पुष्पकमल दाहाल प्रधानमन्त्री भएसँगै उनले एकीकृत समाजवादी र जनता समाजवादी पार्टीलाई सरकारमा समेट्ने प्रयास थालेका छन् । ओलीको समर्थनमा सरकारको बागडोर समालेका प्रचण्डलाई रास्वपा, राप्रपा लगायतका पार्टिको सर्मथन छ । र एकीकृत समाजवादीका अध्यक्ष माधव कुमार नेपाल र जसपा अध्यक्ष उपेन्द्र यादवसँग समेत सरकारमा समाबेस हुने सन्दर्भमा भेटवार्ता गरेका छन् ।
ललितपुरस्थित प्रचण्डको एक नातेदारको निवासमा नेपाल र यादवको पार्टीलाई समेत समेटेर मन्त्रिपरिषद विस्तारबारे छलफल भएको स्रोतले बतायो ।
कांग्रेस नेतृत्वको गठबन्धन तोडेर पुस १० गते प्रचण्ड प्रधानमन्त्री नियुक्त भएका थिए । सोही दिन उनले नेतृत्वमा आठ सदस्यीय मन्त्रिपरिषद गठन गरेका थिए ।
