यही महापर्वमा भगवान शिव र माता पार्वतीको विवाह भएको र भोलेनाथले एकान्त जीवन त्यागेर गृहस्थी जीवन ग्रहण गरेको पौराणिक मान्यता छ । यस बाहेक अर्को धार्मिक मान्यता अनुसार यस दिन भगवान शिव दिव्य ज्योतिर्लिङ्गको रुपमा प्रकट भएका थिए । चार चरणमा भगवान शिवको पूजा गर्ने मान्यता छ ।
चार प्रहरको पूजा गर्नाले जीवनका सबै पापबाट मुक्त हुने जनविश्वास छ । धर्म, अर्थ काम र मोक्ष प्राप्त हुन्छ। साँझ अर्थात् प्रदोषवेलादेखि सुरु भई भोलिपल्ट ब्रह्ममुहूर्तसम्म चार घण्टाको पूजा हुन्छ । पहिलो चरणमा दूधद्वारा शिवको ईशान स्वरूप, दोस्रो चरणमा दहीले अघोर रूप, तेस्रो चरणमा घ्यूले वामदेव रूप र चौथो चरणमा महद्वारा सदुजात स्वरूपको पूजा गर्नुहोस्।
महाशिवरात्रिको रात महासिद्धिदायिनी भएकाले यस महारात्रिमा पूजाआजा गर्दा विशेष पुण्य प्राप्त हुन्छ । शिवको भक्तले चार पटक पूजा-अभिषेक गर्न नसके पहिलो प्रहरमा एक पटक मात्र पूजा गरेमा पनि संकटबाट मुक्ति मिल्छ।
